काठमाडौं, २५ बैशाख । राजसंस्था पुनस्र्थपानका लागि गठित संयुक्त जनआन्दोलन समितिले जेठ १५ गतेदेखि अनिश्तकालिन आन्दोलनको घोषणा गरेको छ ।
बिहीबार पत्रकार सम्मेलन गरी नवराज सुवेदी नेतृत्वको समितिले आन्दोलन घोषणा गरेको छ ।
समितिले परिवर्तनकारी र परम्परागत शक्तिबीच समाञ्जस्यता कायम गर्दै राजसंस्था अटाउने गरि नयाँ समझदारी, सर्वधर्म समभावसहितको पूर्ण धार्मिक स्वतन्त्रता सहितको हिन्दू राष्ट्र र बलियो स्थानीय सरकारको मागसहित आन्दोलनको घोषणा गरेको हो ।
समितिको आन्दोलन सरकारविरूद्ध नरहेको विज्ञप्तिमार्फत जनाइएको छ । जनतामा निहीत सार्वभौमसत्ता र जनताको निर्णायकत्वलाई थप सुदृढ गर्नु आन्दोलनको मुख्य उद्देश्य रहेको समेत समितिले उल्लेख गरेको छ ।
