जनकपुर, १० वैशाख । बुधबार जनकपुरमा इस्लामिक आतंकवादविरुद्ध हिन्दूवादी अगुवाहरूको नेतृत्वमा विरोध प्रदर्शन गरिएको छ ।
भारतको कश्मीर क्षेत्रमा हिन्दू समुदायमाथि भएको हिंसा र नरसंहारको विरोधमा विरोध प्रदर्शन गरिएको छ ।
विरोध प्रदर्शनको क्रममा सहभागीहरूले हातमा ‘इस्लामिक आतंकवाद मुर्दाबाद’, ‘हिन्दू हिन्दू भाई भाई’, ‘हिन्दू धर्मको जय’ लगायतका नारा लेखिएका प्लेकार्ड बोकेका थिए ।
प्रदर्शनको प्रमुख आकर्षणका रूपमा मृतकहरूको सम्झनामा जनक चौकमा सयौं दीप बालेर ‘हिन्दू’ शब्द बनाइएको दृश्य अत्यन्त भावुक र सन्देशमूलक देखिएको थियो ।
उनीहरुले बनर्जी र युनुसको पुत्लासमेत दहन गरेको थियो । कार्यक्रमको आयोजना जानकी सेना र विश्व हिन्दू परिषद नेपालसहित विभिन्न हिन्दू संगठनहरूले गरेका थिए ।
