काठमाडौं, १० वैशाख । जम्मु कश्मीरको पहलगाममा भएको आतङ्कवादी हमलामा मारिएका नेपाली युवक सुदिप न्यौपानेसँग त्यो सँग उनका आमा, बैनी र ज्वाइँ सकुशल रहेको तथा बेलुकासम्म काठमाडौँ आइपुग्ने भएको छ ।
आतंकवादी हमलामा मारिएका सुदीपको शव पनि बेलुकासम्म काठमाडौँ आइपुग्ने उनका काका बद्रीनाथ न्यौपानेले जानकारी दिए । सुदीपका आमा, बैनी र ज्वाइँ अहिले जम्मुस्थित विमानस्थलमा दिल्ली जान पर्खिरहेको छ ।
सुदीपकी आमा रिमा पाण्डे, बैनी सुष्मा काफ्ले र ज्वाइँ युवराज काफ्ले सुदीपसँगै घुम्न कश्मिर गएका थियो । उनीहरूलाई पहलगामबाट सेनाको विशेष जहाजमा जम्मु ल्याइएको थियो ।
बुटवल रुपन्देहीका सुदिप न्यौपानेसहित २६ जनाको उक्त हमलामा मृत्यु भएको भारतीय सञ्चारमाध्यमहरूले जनाएका छन् । हमलामा परी १० जना घाइते भएका छन् । पहलगाम श्रीनगरबाट ७० किलोमिटर टाढा रहेको जनाएको छ ।
