काठमाडौँ, २० चैत । नागरिक उन्मुक्ति पार्टी र जनमत पार्टीबिच एकता घोषणा वैशाखमा हुने भएको छ ।
दुवै पार्टीले एकीकरणको प्रक्रिया अन्तिम चरणमा पु¥याएको छ । एकीकरणलाई अन्तिम रूप दिन दुवै पार्टीले कार्यदल गठन गरेका छन् ।
दुवैका कार्यदलले प्रतिवेदन बनाउने काम गरिरहेका जनमतका उपाध्यक्ष एवं कार्यदल सदस्य अब्दुल खानले बताए । उक्त प्रतिवेदन पार्टीमा बुझाइसकेपछि पार्टी एकता घोषणा गरिने उनले बताए ।
कार्यदलले बुझाएको प्रतिवेदनबारे पार्टीको केन्द्रीय समितिको बैठक बसेर अनुमोदन गरेपछि एकताको घोषणा हुन्छ । दुवै पार्टीले केन्द्रीय समितिबाटै कार्यदल गठन गरेका थिए ।
अहिले संसदमा जनमतका ६ र नागरिक उन्मुक्ति पार्टीका चार सांसद छन् । अर्थात् दुवै दलको एकतापछि १० सांसद हुनेछन् ।
