जनकपुर, १२ चैत । सिरहाको गोलबजार नगरपालिका– ९ की १३ वर्षीया गुलशना खातुनको शव गाडिएको अवस्थामा शव फेला परेको छ ।
गत फागुन २९ गते घरबाट निस्केकी खातुनको शव बोरामा बेरेर गाडिएको अवस्थामा इलाका प्रहरी कार्यालय मिर्चैयाको टोलीले फेला पारेको छ ।
गोलबजार– ९ का पूर्ववडाध्यक्ष रामपुकार कामतीले भने, वनमारा झाडीभित्रबाट लास कुहिएको गन्ध आएपछि आशंका लाग्यो र ‘हामीले प्रहरीलाई खबर ग¥यौं । प्रहरीको टोलीले उत्खनन गर्दा बालिका खातुनको शव भेटियो । शव बोरामा बेरिएर खाडलभित्र पुरिएको थियो ।
खालडभित्र फेला परेको शव खातुनकै रहेको इलाका प्रहरी कार्यालय मिर्चैयाका प्रहरी नायब उपरीक्षक सन्तबहादुर बाखुले जानकारी पुष्टि गरेका छन् ।
उनका अनुसार घुर्मी खोला किनारमा तीन फिट खनेपछि जुटको बोरामा बेरिएको अवस्थामा बालिकाको शव फेला परेको छ । आमा जाहेदा खातुनले इलाका प्रहरी कार्यालय मिर्चैयामा चैत १ गते खोजतलास गरिदिन भनेर निवेदन दिएकी थिइन् ।
खातुन स्थानीय सामुदायिक विद्यालयमा कक्षा ४ मा अध्ययनरत थिइन् । घटनाबारे थप अनुसन्धान भइरहेको प्रहरीले जनाएको छ ।
