जनकपुर, ७ चैत । जनकपुरमा एसईई परीक्षा सुरु भएको एक घण्टा नबित्दै अंग्रेजी विषयको प्रश्नपत्र आउट भएको छ ।
प्रश्नपत्र सामाजिक सन्जाल फेसबुकमार्फत् सार्वजनिक भएको छ । जनकपुरको एक परीक्षा केन्द्रबाट उक्त प्रश्नपत्र आउट भएको भनिए पनि कुन केन्द्रबाट आउट भएको हो भन्नेबारे अहिलेसम्म खुलिसकेको छैन ।
केन्द्राध्यक्षले नै प्रश्नपत्र आउट गरेको अनुमान गरिएको छ । यसबारे अनुसन्धान भइरहेको परीक्षा नियन्त्रण कार्यालयका अधिकारीले बताए ।
