सर्लाही, ५ चैत । सर्लाहीमा एक महिलाले नेपाल प्रहरीमा जागिर लगाइदिने प्रलोभन देखाई लाखौँ रुपैयाँ ठगी गरेको आरोपमा प्रहरीले पक्राउ गरेको छ ।
लालबन्दी नगरपालिका–१७ की ३२ वर्षीया लक्ष्मी कुमारी महतोले हरिपूर्वा नगरपालिका–५ का शिवम कुमार यादवसँग पटक–पटक गरी कुल दुई लाख पचहत्तर हजार रुपैयाँ ठगेको उजुरी परेपछि प्रहरीले उनलाई नियन्त्रणमा लिएको छ ।
ठगी तथा आपराधिक विश्वासघातको जाहेरी दिएका पीडित यादवका दाई सिपिन्द्र प्रसाद यादवले बताए । जाहेरीका आधारमा अनुसन्धान अघि बढाउँदै चैत्र ३ गते महतोलाई पक्राउ गरिएको प्रहरीले जनाएको छ ।
जिल्ला अदालतबाट पाँच दिनको म्याद थप अनुमति लिएर घटनाको अनुसन्धान भइरहेको सर्लाही प्रहरी कार्यालयले जनाएको छ ।
