महोत्तरी, ४ चैत । महोत्तरीका पत्रकार मंजित कुमार राम माथि आक्रमण भएको छ ।
महोतरी सोनमा गाउँपालिका वडा नम्बर ५ स्थित आफनै घरमा बसिरहेका पत्रकार राममाथि आइतबार दिउसो अक्रमाण गरेर घाइते बनाइएको छ ।
पुरानो रिसिबीका कारण स्थानीय कुंज बिहारी यादव र उनका तीन जना छोराले कुटपिट गरी घाइते बनाएको पत्रकार रामले बताए । हात बाधेर कुटपिट गर्दा पत्रकार रामको टाउको पिठयु, ढाड र खुट्टामा चोट लागेको छ ।
प्रादेशिक अस्पताल जलेश्वरमा उपचार भईरहेको छ । पत्रकारलाई बचाउन आएका भाउजु पवन राम र आमा समेत घाइते भएकी छिन ।
पत्रकार रामको हात बाधेर कुटपिट गर्ने दलित भएकै कारण गाउँमा बस्न नदिने र जातिय विभेद गर्ने समुहलाई पहिचान गरी कारवाही हुनु पर्ने राष्ट्रिय दलित पत्रकार संघ धनुषाले माग गरेका छन् ।
