काठमाडौं, ५ फागुन । निजामती अस्पतालका दैनिक ज्यालादारीमा काम गर्दै आएका कर्मचारीले आन्तरिक प्रक्रियाबाट नै स्थायी गर्नुपर्ने माग गर्दै आन्दोलन सुरू गरेका छन् ।
राष्ट्रिय स्वास्थ्य कर्मी श्रमिक संगठनमा आवद्ध कर्मचारीले विभिन्न ७ माग लेखिएका ब्यानरसहित अस्पताल अगाडि उभिएर गत ८ दिन देखि आन्दोलन गरिहेका छन् । संगठनका सचिव निराजन कटुवालले दैनिक १ बजे देखि २ बजेसम्म अस्पतालको प्रांगणमा धर्ना दिइरहेको बताएको हो ।
‘आठ दिनदेखि हामीले आफ्ना माग राखेर अस्पताल अगाडी शान्तीपूर्ण हिसाबले धर्ना दिइरहेका छौं,’ ‘तर अस्पताल प्रशासनले यस विषयमा कुनै चासो देखाएको छैन ।’ अस्पतालको विनिमावलि गठन आदेश तत्काल संसोधन गर्नुपर्ने, कार्यरत कर्मचारीलाई क्षेणी र तह बमोजिम पारिश्रमिक र सेवा सुविधाको व्यवस्था गर्नुपर्ने, सरकारले ताके बमोजिमको स्थायी सो सरह उमेर हदसम्म कामकाज गर्न पाउने व्यवस्थाको सुनिश्चित गर्नुपर्ने उनीहरुको माग रहेको छ ।
यस्तै आउट सोर्सिङ कर्मचारीको हकमा उचित पारिश्रमिक सेवा, सुविधाको व्यवस्था गर्नुपर्ने, कार्यरत कर्मचारीलाई स्थायित्वको प्रक्रिया अगाडी नबढाई खुल्ला प्रक्रिया बन्द गर्नुपर्ने र समान कामकाज गरिरहेका कर्मचारीलाई समानजनक परिश्रमिकको र सेवा सुविधाको व्यवस्था गर्नुपर्ने माग राखेको हो ।
सिभिल अस्पतालका दैनिक ज्यालादारीमा काम गर्ने करिब ४ सय स्वास्थ्यकर्मी छन् । ‘सिभिलको स्थापनाकालदेखि नै काम गर्दै आएका चिकित्सक, स्वास्थ्यकर्मी, नर्स लगायतका अन्य कर्मचारीलले विगत देखि आफ्ना न्यूनतम सेवा सुविधा तथा विभेदमा विषयमा समस्या हल गर्न अनुरोध गर्दै आएका छौं,’
कटुवालले भने, ‘ तर हाम्रो न्यायीक र जायज माग सम्बोधन गर्न तर्फ भन्दा पनि मनोबल कमजोर बनाउने काम भइरहेको छ ।’
।
