जनकपुर, ५ पुस । पर्साको बहुदरमाई नगरपालिकाको सामानमा विद्यार्थीहरूले आगो लगाको हो ।
पठनपाठन ठप्प भएपछि सञ्चालनको माग गर्दै हिजोदेखि आन्दोलित विद्यार्थीहरूको एक समूहले शुक्रवार बिहान कार्यालयको सामानमा आगो लगाइदिएको नगरपालिकाको कार्यालयले जानकारी दिनु भयो । नगरपालिकाका कार्यालयभित्र रहेका कुर्सी, टेबल, दराज, कम्प्युटरसहित केही कागजातहरु बाहिर निकालेर आगो लगाइ दियो ।
नगरपालिकाको कार्यालय नजिकै रहेका नेपाल राष्ट्रिय उच्च माध्यमिक विद्यालयको विद्यार्थीहरूले आगो लगाएको हो । आफ्नो स्कुलमा बिहीबारदेखि पठनपाठन ठप्प भएपछि सञ्चालनको लागि कुनै पहल नभएको भन्दै आक्रोशित विद्यार्थीहरूले शुक्रबार बिहान कार्यालयको सामानमा आगो लगाएको जानका्री दिएको हो ।
बहुदरमाईका शिक्षकहरू लामो समयदेखि तलब नपाएपछि बिहीबारदेखि पठनपाठन ठप्प पारेको हो । शिक्षकहरूले स्कुलमा पठनपाठन ठप्प पारेपछि विद्यार्थीहरूले नगरपालिकाको कार्यालयमा तालाबन्दी गरेको सोही वडाका वडाध्यक्ष सुरेन्द्र यादवले बताए ।
