काठमाडौं, २८ मंसिर । नेपाल प्रिमियर लिग (एनपीएल) क्रिकेटमा विराटनगर किंग्सले चितवन राइनोजलाई ५१ रनले पराजित गरेको छ।
त्रिवि क्रिकेट मैदान कीर्तिपुरमा १ सय ८२ रनको विजयी लक्ष्य पच्छ्याएको चितवनले पूरै ओभर खेल्दा ६ विकेट गुमाएर मात्रै १३० रन बनायो । चितवनका लागि अमर रौतेलाले ४२, सन्तोष कार्कीले २८, कप्तान कुशल मल्लले २५ र रवि बोपाराले २० रनको योगदान गरे ।
विराटनगरका लागि कप्तान सन्दीप लामिछानेले दुई विकेट लिए भने बसिर अहमद, सुवास भण्डारी, क्रिस सोल र लोकेश बमले समान एक÷एक विकेट लिए । यस्तै, मार्टिन गुप्टिलले ४५, राजेश पुलामी ३३, निकोलस किर्टन आठ र दीपक बोहराले चार रन जोडे । यो खेलमा विराटनगरले अतिरिक्त २३ रन प्राप्त गरेको छ ।
बलिङतर्फ चितवनका रिजन ढकालले सर्वाधिक दुई विकेट लिए । यस्तै, कप्तान कुशल मल्ल, सोहेल तनवीर र बासिल हमिदले समान एक÷एक विकेट लिए ।
