जनकपुर, २३ कातिक । क्षिरेश्वरनाथ नगरपालिका–३ पर्सा गाउँमा आगामी कातिक २४ देखि ३० गतेसम्म श्री ब्रम्हाण्ड पुराण परायण तथा प्रवचन कार्यक्रम आयोजना हुने भएको छ ।
यस कार्यक्रममा प्रमुख कथा वाचकका रूपमा आचार्य पण्डित रनेश कोइरालाले कथा वाचन गर्नुहुनेछ । कार्यक्रमको आयोजनामा श्री धर्म संस्था परिवार, मिल्स एरिया जनकपुरको विशेष योगदान रहेको छ ।
आयोजक समितिको अनुसार, उक्त कार्यक्रम भक्तजनको लागि विशेष धार्मिक अवसरका रूपमा प्रस्तुत गरिएको छ, जसमा श्री ब्रम्हाण्ड पुराणका विविध अध्याय र तिनीका जीवनोपयोगी उपदेशहरू वाचन गरिनेछ । 
आयोजनमा सहभागी हुने सबै भक्तजनलाई कार्यक्रम हेर्न आउनका लागि आयोजकद्वारा खुला निमन्त्रणा गरिएको छ ।
यस प्रवचनले भक्तजनलाई आध्यात्मिक उन्नति र जीवनका वास्तविक अर्थमा मार्गदर्शन पुर्याउने विश्वास व्यक्त गरिएको छ ।
