जनकपुर, २१ कतिक । धनुषा जिल्लाको विदेश नगरपालिकामा आज एक ऐतिहासिक अवसरमा चार कोठे विद्यालय भवनको शिलान्यास गरिएको छ ।
यो विद्यालय भवन निर्माण योजना, प्लान इन्टरनेशनल नेपाल र आसमान नेपालद्वारा संयुक्त रूपमा सञ्चालित “शिक्षा परियोजना“ अन्तर्गत, विदेह नगरपालिका–५ स्थित मुरिबा गाउँको श्री राष्ट्रिय आधारभूत विद्यालयमा निर्माण गरिनेछ ।
विदेह नगरपालिका प्रमुख, बेचन दासले विद्यालय भवनको शिलान्यास गर्दै भने, “यस परियोजना मार्फत विद्यालयको भौतिक संरचना सुधार्ने मात्र होइन, विद्यार्थिहरूको शैक्षिक स्तरमा पनि उल्लेखनीय सुधार ल्याउने आशा गरिएको छ।“ 
उनले थपे, “पढाइको वातावरणको गुणस्तर वृद्धि गर्न मद्दत पुर्याउने यस भवनले शिक्षक र विद्यार्थी दुवैलाई एक नयाँ ऊर्जा दिनेछ।“ नयाँ चार कोठे भवन निर्माणपछि विद्यार्थीहरूको अध्ययन वातावरण थप सुविधाजनक र व्यवस्थित हुनेछ, जसले शिक्षक र विद्यार्थीको दक्षतामा साकारात्मक प्रभाव पार्ने विश्वास गरिएको छ । 
यस भवनले न केवल स्थानको अभावलाई समाधान गर्नेछ, तर विद्यार्थीहरूको सिकाइमा पनि थप अनुकूलता ल्याउने अपेक्षा गरिएको छ ।
शिलान्यास कार्यक्रममा मधेश प्रदेशका प्रदेश सभा सदस्य लखन दास, प्लान इन्टरनेशनल नेपाल र आसमान नेपालका विभिन्न प्रतिनिधिहरू र विद्यालयका शिक्षक तथा स्थानीय बासिन्दाहरूको उपस्थिती थियो ।
