काठमाडौं, १६ कातिक । जनता समाजवादी पार्टी (जसपा) नेपालका तीनवटा जिल्ला समिति पुनर्गठन गरिएका छन् ।
पुनर्गठन भएका जिल्लाहरुमा कोशी प्रदेशको झापा र गण्डकी प्रदेशअन्तर्गतका तनहुँ र नवलपुरमा समिति रहेका छन् । दमकको थ्री इन होटलमा आयोजित कार्यक्रमबाट शत्रुधन चौधरीको अध्यक्षतामा झापा जिल्ला समिति पुनर्गठन भएको छ ।
त्यसैगरी जसपा नेपालको तनहुँ जिल्ला देउबहादुर थापा मगरको अध्यक्षतामा ३१ सदस्यीय समिति पुनर्गठन भएको छ । त्यस्तै नवलपुर जिल्ला समिति ओमबहादुर रानाको अध्यक्षतामा १७ सदस्यीय पुनर्गठन भएको छ ।
जनतासँग जसपा नेपाल आधारभूत संगठन निर्माणको चार महिने अभियानअन्तर्गत जसपा नेपालले संगठन गठन, पुनर्गठन, अनुगमन कार्य गरिरहेको छ ।
