रूपन्देही, १० कार्तिक । लुम्बिनी प्रदेशका पूर्वमन्त्री तथा संसदीय दलका नेता सिके गुप्तामाथि प्रहरी कार्यालय अगाडि कांग्रेस कार्यकर्ताले हातपात गरेका छन् ।
इलाका प्रहरी कार्यालय लुम्बिनीको प्रांगणमा शनिबार पुगेका उनलाई कांग्रेस निकट युवाहरुको समूहले हातपात गरेका छन् । रुपन्देहीको लुम्बिनी साँस्कृतिक नगरपालिकास्थित इलाका प्रहरी कार्यालय अगाडि दुई समूहको विवादमा पुगेका गुप्तामाथि युवाहरुको समूहले हातपात गरेका छन ।
हातपातपछि आफूलाई असुरक्षित महशुस गर्दै प्रहरी कार्यालयभित्रै डेढ घण्टादेखि बस्दै आएको गुप्ताले जानकारी दिनुभएकको छ । कांग्रेस नेता फकुरूद्दिन खानको भतिज एजान खान, वचन खानसहितको समूहले आक्रमण गरेको गुप्ताले बताए ।
दुई समुहबीच उत्पन्न विवादका बीच सांसद गुप्ता आफ्नो कार्यालयतर्फ आउँदै गर्दा बाटोमा हातपात भएको इलाका प्रहरी कार्यालय लुम्बिनीका ईन्चार्ज प्रहरी निरीक्षक दिपक मगरातीले बताए ।
सामाजिक सञ्जालमा स्टाटस लेखेको विषयमा उत्पन्न विवादले उग्र रुप लिएपछि यो अवस्थासम्म आएको भन्ने हामीले बुझेका छौं । उनले भने ।
