काठमाडौं, ९ कात्तिक । धादिङमा भ्यान दुर्घटना हुँदा ११ जना घाइते भएका छ ।
काठमाडौंबाट चितवनको कुरिनटार जाँदै गरेको बागमती प्रदेश ०१–०३० च ७६५९ नम्बरको भ्यान शुक्रबार दिउँसो थाक्रे गाउँपालिका–६ महादेवबेशी नजिकै दुर्घटना भएको हो ।
घाइतेहरुमध्ये तीन जनाको अवस्था मध्यम र अन्यको अवस्था सामान्य रहेको जिल्ला प्रहरी कार्यालय धादिङले जनाएको छ । दुर्घटनामा घाइते भएकाहरुलाई महादेवबेशीको टाइम्स केयर अस्पताल लगिएको छ । भ्यान दुर्घटनाको कारण खुलिसकेको छैन ।
