विराटनगर, ३० असोज । विराटनगरमा एकजना होटल सञ्चालक माथि खुकुरी प्रहार भएको छ । उनीमाथि दुई युवाले खुकुरी प्रहार गरेका जिल्ला प्रहरी कार्यालय मोरङले जनाएको छ ।
विराटनगरको भूमी प्रशासन चोकमा मुन होटल सञ्चाललन गर्दै आएका दिलिपकुमार भगतमाथि खुकुरी प्रहार भएको प्रहरी निरीक्षक हेमराज ओलीले जानकारी दिनुभएको छ ।
विराटनगर उपमहानगरपालिका– १० स्थित लालिगुराँस चोकमा भगतमाथि खुकुरी प्रहार भएको छ । इन्सपेक्टर ओलीले ‘घटना मंगलबार साँझ ६ बजेको हो,’ ‘खुकुरी प्रहारबाट भगतको देब्रे हात र शरीरका अन्य विभिन्न ठाउँमा चोट लागेको छ ।
कोशी अस्पताल उपचारपछि उनी राति नै डिस्चार्ज भइसकेका छन् । ओलीले भने, अवस्था खतरामुक्त छ ।
विराटनगर– ९ का सावन दास र विनोद रायले भगतमाथि खुकुरी प्रहार गरेको प्रहरीको प्रारम्भिक अनुसन्धानले देखाएको छ । ‘आरोपी दुवै फरार छन् । हामी उनीहरुको खोजी गरिरहेका छौँ ।
