जनककपुर, २१ असोज । जनकपुरमा सांस्कृतिक नृत्य झिझिया महोत्सवको दोश्रो संस्करण आयोजना हुने भएको छ ।
नव मिथिला फाउन्डेसनको आयोजनामा यही बुधवार झिझिया महोत्सव हुने आयोजकले पत्रकार सम्मेलन गरेर जनाएको छ । मिथिलाको लोक संस्कृति, लोक गायन र धार्मिक परम्परालाई पछ्याउँदै झिझिया आयोजना गर्न लागेको फाउन्डेसनका अध्यक्ष अमित कुमार साहले बताउनुभएको छ ।
आयोजित पत्रकार सम्मेलनमा आयोजकले गाउ गाउका झिझिया टोली र दुइ स्थानीय विद्यालयका छात्राहरु समेतको झिझिया नृत्य प्रस्तुत हुने जनाएका छन ।
जनकपुरस्थित रेल्वे स्टेसनको प्राङ्गणमा हुने महोत्सवमा मैथिली पारम्परिक झिझिया लोक गान र नृत्यलाई प्राथमिकतामा राखेर कार्यक्रम आयोजन हुन लागेको संस्थाका उपाध्यक्ष आदित्य नेपालले बताएका छन ।
कार्यक्रममा स्थानीय लोक गायकहरूको समेत सहभागी रहनेछन ।
