जनकपुर, १८ असोज । सर्लाहीमा नहरमा डुबेर एक बालकको मृत्यु भएको छ ।
मृत्यु हुनेमा सर्लाहीको बसबरिया गाउँपालिका–४ गोनरवाका १२ वर्षका चन्दन भण्डारी रहेका छन् । शुक्रबार साँझ पौने ५ बजेतिर घरदेखि ५०० मिटर पर नहरमा जमेको पानीमा नुहाउन गएको बेला बालकको डुबेर मृत्यु भएको प्रहरीले जनाएको छ ।
माछा मारिरहेका स्थानीयले बालक डुबिरहेको देखेपछि उद्धार गरेका थिए, त्यसपछि उनलाई उपचारका लागि सर्लाहीको बरहथवामा रहेको गोल्डेन अस्पताल लगिएको थियो ।
उपचारको क्रममा ५ बजेर १८ मिनेटमा चिकित्कसले मृत घोषणा गरेको जिल्ला प्रहरी कार्यालय सर्लाहीले जनाएको छ ।
अहिले बालकको शव पोस्टमार्टमका लागि प्रादेशिक अस्पताल मलंगवामा राखिएको छ ।
