एजेन्सी, दिल्लीका पूर्वमुख्यमन्त्री अरविन्द केजरीवालले मुख्यमन्त्री निवास छाडेका छन् ।
आम आदमी पार्टीको सोसल मिडिया प्लेटफर्म एक्स ह्यान्डलबाट उक्त जानकारी गराइएको छ । केजरीवालजी मुख्यमन्त्रीको निवासबाट निस्किए ।
अब जबसम्म जनताले जनताको अदालतमा उनको इमान्दारिता पुष्टि गर्दै उनलाई पुनः मुख्यमन्त्री बनाउँदैनन् तबसम्म पूर्वमुख्यमन्त्री अरविन्द केजरीवाल मुख्यमन्त्री निवासमा बस्ने छैनन् एक्समा लेखिएको छ ।
दिल्लीको मदिरा नीतिमा घोटाला गरेको मुद्दामा जेलमा रहेका केजरीवालले धरौटीमा रिहा भएपछि यही असोज १ गते मुख्यमन्त्री पदबाट राजीनामा दिएका थिए ।
