काठमाडौं, ३ असोज । संसदीय सुनुवाइ समितिले विभिन्न १६ वटा देशमा सिफारिस भएका राजदूतहरूको नाम अनुमोदन गरेको छ ।
सरकारले सिफारिस गरेका १७ मध्ये १६ देशका लागि नेपाली राजदूतको नाम बहुमतले अनुमोदन गर्ने निर्णय गरेको सुनुवाइ समिति सदस्य भगवती न्यौपानेले जानकारी दिइन् ।
उनका अनुसार, श्रीलंकाका लागि सिफारिस राजदूत रामकृष्ण भट्टराईको भने नाम अनुमोदन भएको छैन । न्यौपानेले भनिन्, आफ्नो शैक्षिक प्रमाणपत्र पेस नगरेकाले नाम अनुमोदन नभएको छ, ।
अर्को बैठकसम्म प्रमाणपत्र पेस गर्नका लागि समय दिइएको छ । बिहीबारको सुनुवाइ समितिको बैठकमा रास्वपाका डोलप्रसाद अर्याल र जसपाका प्रकाश अधिकारीले भने निर्णयमा फरक मत राखेका छन् ।
