काठमाडौँ, २९ भादौं । प्रधानमन्त्री केपी शर्मा ओलीले एमालेसँग मिशन–२०८४ एकल बहुमत ल्याउने बलियो आधार रहेको दाबी गरेका छन् ।
शनिवार एमालेले काठमाडौँमा आयोजना गरेको कार्यक्रममा बोल्दै उनले यस्तो दावी गरेका छन् । प्रधानमन्त्री ओलीले एमालेसँग अहिले मिशन २०८४ मा एकल बहुमत ल्याउने आधार भएकाले त्यसलाई सफल पार्न सम्पूर्ण शक्ति परिचालन गर्न पनि नेता कार्यकर्तालाई निर्देशन दिएका छन ।
अहिले हाम्रा अगाडि मिसन २०८४ मा एकल बहुमत मजाले ल्याउन सक्ने बलिया आधार छन् प्रधानमन्त्री ओलीले भने । मैले एउटा पेपरमा हिजो मात्रै देखेको थिएँ–माओवादीको १९ लाख भोट कहाँ गयो भन्ने ? गम्भीर प्रश्न, विश्लेषण थियो ।
प्रधानमन्त्री ओलीले जनताको हितमा काम गर्ने पार्टीलाई मात्रै नेपाली जनताले विश्वास गर्ने बताए ।
