महोत्तरी, २३ भादौं । वद्यालय जाँदै गरेकी महोत्तरीको गौशाला नगरपालिका– ३ इँटाटारमा टयाक्टरको ठक्करबाट नौ वर्षीया बालिकाको मृत्यु भएको छ ।
नम्बर नखुलेको ट्याक्टरले ठक्कर दिँदा स्थानीय रामकरण महतोकी ९ वर्षीया छोरी जिया सिंहको मृत्यु भएको जिल्ला प्रहरी कार्यालय महोत्तरीले जनाएको छ ।
बालिकाको घटनास्थलमै मृत्यु भएको छ । ट्याक्टरको ठक्करबाट अन्य दुई बालबालिका घाइते भएका छन् ।
स्थानीय जनता आधारभूत विद्यालय इँटाटारमा कक्षा ३ अध्ययनरत बालिकालाई आईतवार बिहान विद्यालय जाँदै गर्दा ट्याक्टरले ठक्कर दिएको प्रहरीले जनाएको छ ।
घटनापछि ट्याक्टर चालक फरार छन् । उनको खोजी कार्य भइरहेको प्रहरीले जनाएको छ ।
