काठमाडौं, ९ भादौं । ओमानका विदेशमन्त्री सैय्यद बद्र अल–बुसैदी नेपालको दुई दिने औपचारिक भ्रमणका लागि सोमबार नेपाल आउने भएका छन् ।
परराष्ट्र मन्त्रालयका अनुसार परराष्ट्रमन्त्री आरजु राणा देउवाको निमन्त्रणामा उनी नेपाल आउन लागेका हुन् । भ्रमणमा क्रममा दुई देशका परराष्ट्रमन्त्रबीच नेपाल–ओमान सम्बन्धलाई थप बलियो बनाउनेबारे विभिन्न पक्षमा कुराकानी हुने मन्त्रालयले जनाएको छ ।
ओमान र नेपालबीच पहिलो पटक गत अगष्ट ७ मा मस्कटमा पहिलो पटक द्वीपक्षीय कूटनीतिक परामर्श संयन्त्रको बैठक बसेको थियो ।
ओमानी विदेशमन्त्रीले भ्रमणमा क्रममा राष्ट्रपछि रामचन्द्र पौडेल र प्रधानमन्त्री केपी शर्मा ओलीसँग पनि भेटघाट गर्ने तालिका रहेको छ । ओमानका विदेशमन्त्री मंगलबार स्वदेश फर्किने छन् ।
