महोत्तरी, ९ भदौ । महोत्तरीका एक वडाध्यक्ष मृत अवस्थामा फेला परेका छन् ।
महोत्तरीको रामगोपालपुर नगरपालिका वडा नं. २ का वडाध्यक्ष मुकेश कुमार यादवको शव आईतवार बिहान बर्दिबास नगरपालिका ८ स्थित कल्भर्ट नजिकै फेला परेको छ ।
यादवको शव जलेश्वर–बर्दिबास सडकखण्डको कल्भर्ट नजिकै फेला परेको महोत्तरी प्रहरी प्रवक्ता डिएसपी सन्तुलाल जयसवालले जानकारी दिएका छन ।
सडक छेउमा लु.प्रदेश ०१–००१ प ६३६२ नम्बरको मोटरसाइकल दुर्घटनाग्रस्त अवस्थामा भेटिएको छ ।
प्रारम्भिक अनुसन्धानले मोटरसाइकल कल्भर्टमा ठोक्किएर दुर्घटना भएको हुन सक्ने डिएसपी जयसवालले बताएका छन ।
