काठमाडौ, ८ भदौ । तनहुँको मर्स्याङ्दी नदीमा बस खस्दा ज्यान गुमाएका भारतीय पर्यटकको शव स्वदेश लगिएको छ ।
मृत्यु भएका २७ जनाको शव भारतीय एयरफोर्सको जहाज र एयर एम्बुलेन्समार्फत शनिवार अपरान्ह महाराष्ट्रस्थित नासिक लगिएको हो ।
२५ जनाको शव जहाज तथा २ जनाको एयर एम्बुलेन्सबाट लगिएको चितवनका प्रमुख जिल्ला अधिकारी इन्द्रदेव यादवले जानकारी दिएका छन ।
पोखराबाट काठमाडौं जाने क्रममा शुक्रवार पृथ्वी राजमार्गबाट मर्स्याङ्दी नदीमा भारतीय नम्बर प्लेटको यूपी ५३ एफटी ७६२३ नम्बरको बस खस्दा २७ भारतीय पर्यटकले ज्यान गुमाएका थिए ।
प्रजिअ यादवका अनुसार नेपाल सरकारसँग भारतीय रक्षामन्त्रीको टोलीले टेलिफोनमार्फत छलफल गरेपछि चितवनबाट सिधै शव लैजाने निर्णय भएको हो ।
दुर्घटनाका १६ जना घाइतेको काठमाडौंस्थित शिक्षण अस्पताल उपचार भइरहेको छ भने भारत सरकारकी युवा तथा खेलकुद राज्यमन्त्री रक्षा खड्से घाइतेहरूको अवस्था बुझ्न शनिवार नेपाल आएकी छिन् ।
