जनकपुर, २२ साउन । जनकपुरको एक पोखरीमा भारतीय नागरिकको शव फेला परेको छ ।
जनकपुरस्थित पाकबतीसर पोखरीमा एक पुरुषको शव फेला परेको हो । जनकपुर उपमहानगरपालिका ८ स्थित पाकबतीसर पोखरीमा मंगलवार साझ पानीमा तैरिरहेको अवस्थामा स्थानीयले शव देखेपछि प्रहरीलाई खबर गरेको थियो ।
प्रहरीका अनुसार मृतक भारतको सितामढी वार्ड ३५ थाना ग्राम डुम्रा जिल्ला सितामढी बस्ने अन्दाजी ४६ वर्षका राजेश रन्जन मनी झा रहेको बताए ।
शवलाई पोष्टमार्टमको लागि प्रादेशिक अस्पताल जनकपुरमा लगिएको र घटना विषयमा थप अनुसन्धान भइरहेको जिल्ला प्रहरी कार्यालय धनुषाले जनाएको छ ।
