काठमाडौं, १७ असार । रोल्पामा जिप दुर्घटना हुँदा आठ जनाको मृत्यु भएको छ ।
पाँच जनाको घटनास्थलमै र दुई जनाको अस्पतालमा गरी जम्मा सात जनाको मृत्यु भएको पुष्टि भएको प्रमुख जिल्ला अधिकारी खिमबहादुर रायमाझीले जानकारी दिनुभएको छ ।
लिवाङ जिल्ला अस्पतालमा कुल १५ जना यात्रुहरुमध्ये आठ जनाको मृत्यु भएको छ । चालकसहित सात जना घाइते छन् । मृतकहरुको सनाखत नभएको रायमाझीले बताए ।
माडी गाउँपालिका २ घर्तीगाउँबाट तालावाङ जाँदै गरेको लु १ ज ३२५२ नम्बरको जिप सोमबार बेलुकी माडी गाउँपालिकाको परेवाछहरा भन्ने स्थानान सडकबाट करिब ४०० मिटर तल खसेर दुर्घटना भएको थियो ।
पहिरो गएर बाटो बन्द भएको स्थानबाट अगाडि बढ्न नसकेपछि जिप रोकिएको र ब्याक गर्ने क्रममा भिरबाट तल खसेको प्रारम्भिक सूचना आएको प्रहरीले जनाएको छ ।
