काठमाडौँ, २० जेष्ठ । १ अर्ब ५१ करोड रुपैयाँ ठगेको आरोपमा चन्द्रबहादुर लामालाई नेपाल प्रहरीले पक्राउ गरेको छ ।
आइतवार नेपाल प्रहरीको काठमाडौँ अपराध अनुसन्धान कार्यालयले लामालाई पक्राउ गरी सार्वजनिक गरेको छ ।
पत्रकार सम्मेलनका क्रममा महाशाखाका प्रमुख प्रहरी वरिष्ठ उपरीक्षक सानुराम भट्टराईले लामामाथि उनी अध्यक्ष रहेको कान्तिपुर सेभिङ एण्ड क्रेडिट को–अपरेटिभविरुद्ध ८५२ जना जाहेरवालाहरुले बचत गरेको रकमको मागदावीसहित उजुरी परेको बताए ।
यसैगरी उनी नै अध्यक्ष रहेको पशुपति सेभिङ एण्ड क्रेडिट को–अपरेटिभविरुद्ध सरकारको समस्याग्रस्त सहकारी व्यवस्थापन समितिको कार्यालयमा ५४ जनाको निवेदन परेको र उक्त पशुपति सेभिङ एण्ड क्रेडिट को–अपरेटिभविरुद्धमा १२ करोड रुपैयाँ हाराहारीमा बिगो मागदाबी गर्दै जाहेरी परेको उनले बताए ।
उनले २०८० फागुन २० गतेदेखि नै सम्मानित काठमाडौँ जिल्ला अदालतबाट अनुमति प्राप्त भइ फरार रहेका प्रतिवादी सिबी लामा भन्ने चन्द्रबहादुर लामालाई पक्राउ गरेको बताए ।
मिति २०८० फागुन २० गतेदेखि नै सम्मानित काठमाडौँ जिल्ला अदालतबाट अनुमति प्राप्त भइ फरार रहेका प्रतिवादी सिबी लामा भन्ने चन्द्रबहादुर लामा तामाङ पक्राउ गरेका छौँ ।
प्रहरी वित्त नयाँ बानेश्वरमा मुद्दा दर्ता भइ २÷३ महिनादेखि नै फरार रहेको देखिन्छ‚’ उनले भने, ‘खोजतलास गर्दा काठमाडौँ उपत्यकाभन्दा बाहिरका जिल्लामा बस्ने गरेको भन्ने सूचना थियो ।
२०८१ जेठ १८ गते चितवनको भरतपुरबाट पक्राउ गरेका थियौँ । काभ्रेपलाञ्चोक जिल्ला साविक नारायणथान गाविस–८ रहेको छ ।
एसएसपी भट्टराईले २०४९ सालदेखि लामाले ओसिन एड्भटाइजिङ मिडियामा समाचार संकलनको रुपमा काम गरेको‚ २०५२ भदौमा तत्कालीन श्री ५ को सरकारको स्थानीय विकास मन्त्रालयको प्राविधिक सहायक तहको ओभरसियर पदमा काम गरेको जानकारी दिए ।
उनले लामाबाट सामसुङ मोबाइल २ वटा, नोकिया एउटा, एसी कम्पनीको एउटा सादा सेट र ६ थान सिम बरामद भएको बताए । कान्तिपुर सेभिङ एण्ड क्रेडिट को–अपरेटिभविरुद्ध ८५२ जना जाहेरवालाहरुले बचत गरेको रकमको मागदावी १ अर्ब ५१ करोड ८५ लाख ५२ हजार २७ रुपैयाँ १९ पैसा रहेको खुलेको पनि एसएसपी भट्टराईले बताए।
उनले यो रकम अझ थपिने क्रममा रहेको बताए । लामा नै अध्यक्ष रहेको पशुपति सहकारीको ठगी प्रकरणमा अहिले केन्द्रीय अनुसन्धान ब्युरोले अनुसन्धान गरिरहेको छ ।
