जनकपुरधाम, २६ चैत । जनकपुरधाममा छुरा प्रहर गरी एक युवकको हत्या गरिएको छ ।
महोत्तरी जिल्लाको एकडाडा गाउँपालिका घर भएका २० वर्षीय प्रिन्स कुमार महासेठको हत्या भएको छ ।
जनकपुरधाम उपमहानगरपालिका विश्वकर्मा चौक नजिक सोमवार दिउँसो १२ बजेतिर महासेठको हत्या भएको धनुषाका प्रहरी प्रवक्ता डिएसपी रञ्जन अवाले जनकारी दिनुभएको छ ।
धारिलो हतियार प्रहार गरी हत्या भएको अवस्थामा शव शौचालय भित्र भेटिएको डिएसपी अवाले बताए । हत्या गरेको आशंकामा स्थानीय २४ वर्षीय अर्जुन साहलाई प्रहरीले पक्राउ गरेको छ ।
मृतक युवकको शव पोस्टमार्टमका लागि प्रादेशिक अस्पताल जनकपुरमा राखिएको छ । घटना विषयमा थप अनुसन्धान गरिरहेको जिल्ला प्रहरी कार्यालय धनुषाले जनाएको छ ।
