सुनसरी, २३ चैत । विभिन्न पाँच स्थानीय तहमा जिल्ला प्रशासन कार्यालय सुनसरीले कर्फ्यु आदेश जारी गरेको छ ।
प्रमुख जिल्ला अधिकारी वेदराज फुँयालद्वारा जारी सूचनामा इनरुवा नगरपालिका, हरिनगर, देवागञ्ज, झोक्राहा नरसिंह र कोशी गाउँपालिकामा आज अपराह्न ५ बजेदेखि लागू हुनेगरी कर्फ्यु आदेश जारी गरेको छ ।
शान्ति सुरक्षाको संवेदनशीलतालाई समेत मध्यनजर राखी सम्भावित मानवीय क्षति कम गर्न तथा सम्पत्तिको सुरक्षा गर्न स्थानीय प्रशासन ऐन, २०२८ को दफा ६ क बमोजिम अर्को सूचना नभएसम्मका कर्फ्यु आदेश जारी गरिएको कार्यालयले जारी गरेको सूचनामा उल्लेख छ ।
यहाँका स्थानीय समुदायका दुई पक्षबीच झडप भइ तनावपूर्ण स्थिती सृजना भएपछि शान्ति सुरक्षा कायम गर्ने उदेश्यले सो सूचना जारी गरिएको जनाएको छ ।
