जनकपुरधाम, २४ फागुन । धनुषाको मुखियापट्टी मुसहरनिया गाउँपालिकाले स्वागत द्वार बनाउने भएको छ ।
गाउँपालिकाको गौरवको योजनको रुपमा रहेको स्वागत प्रवेश द्वारको टेन्डर कार्य सम्पन्न भएको छ । गिरिजा पथ जटही भन्सार जजिक पालिकाको प्रवेश द्वार बन्ने पालिका अध्यक्ष जय कुमार यादवले जानकारी दिनुभएको छ ।
अध्यक्ष यादवले भने, प्रवेश द्वारमा ’मुखियापट्टि मुसहरनिया गाउँपालिका, धनुषा, नेपालमा हार्दिक स्वागत गर्दछौं ’ लेखिनेछ । पालिका मिथिला क्षेत्रको एउटा प्रसिद्ध ऐतिहासिक, धार्मिक तथा सांस्कृतिक स्थल हो ।
यसको प्राचिन गरिमामय अत्यन्त सम्पन्न, समृद्ध, सभ्य तथा सुसंस्कृत रहेकोछ । यसलाई मिथिलाका नरेश राजा जनकको फूलबारी पनि ग्रन्थहरुमा उल्लेख गरिएको छ ।
यो प्रवेश द्वारबाट जनक दुलारी माँ सीताको ससुराल अयोध्या लगायत मित्र राष्ट्र भारतबाट लाखौंको संख्यामा श्रद्धालुहरू आउने गर्दछन् । त्यसैले यो धार्मिक एवम् पर्यटकीय दृष्टिकोणले महतत्वपूर्ण रहेको अध्यक्ष यादबले बताए ।
त्रेता युगमा जब माँ जानकीको स्वयम्वर पश्चात् मर्यादा पुरुषोत्तम श्री रामको विवाह जनक दुलारी साक्षात् जगदम्बा माँ जानकी संग भएको थियो । त्यसबेला सृष्टिका सम्पूर्ण देवी देवता एवम् ऋषि मुनिगण आउनु भएको विभिन्न धार्मिक ग्रन्थहरुमा उल्लेख छ ।
