काठमाठौं, १ फागुन । दुर्गा प्रसाईंले राष्ट्र, राष्ट्रियता, धर्म, संस्कृति र नागरिक बचाऊ महाअभियान, नेपालको नाममा भृकुटीमण्डमा हजारौ समर्थकहरु उतारेका छन् ।
गत मंसिरमा भएको सरकारविरोधी कार्यक्रममा प्रसाईलाई बल्खुबाट छिर्न दिइएको थिए । तर सरकारले यस पटक भृकुटीमण्डपमा कार्यक्रम गर्न दिएको छ ।
प्रसाईंले खुलामञ्चमा अनुमति मागे पनि सरकारले उनलाई भृकुटीमण्डपमा कार्यक्रम गर्न दिएको रहेछ । राष्ट्र, राष्ट्रियता, धर्म, संस्कृति र नागरिक बचाउ महाअभियान नेपालको वार्षिकोत्सव कार्यक्रममा सहभागिता जनाउनेहरूको ¥याली नै सातवटा रुटबाट निकालिएको थियो ।
यो अभियानका संयोजक प्रसाई विशेष तामझामसहित भृकुटीमण्डप पुगेको थियो । कार्यकर्ता र समर्थहरू राष्ट्रिय झन्डासहित कार्यक्रमस्थल पुग्दा दुर्गा भने विलाशी कारमा सवार देखिए ।
सेतो कारमा सवार दुर्गा प्रसाईको भृकुटीमण्डपमा भएको इन्ट्री राजा महाराजाको भन्दा कम देखिएको थिएन ।
