जनकपुरधाम, २० माघ । मुलुकको आर्थिक विकास अहिलेको आवश्यकता भएको लोकतान्त्रिक समाजवादी पार्टी (लोसपा) नेपालका राष्ट्रिय अध्यक्ष एवं महोत्तरी क्षेत्र नं ३ का प्रतिनिधिसभा सदस्य महन्थ ठाकुरले बताएका छन् ।
महोत्तरीको मटिहानी नगरपालिका वार्ड नं १ मा लोसपा नेपाल मटिहानी नगरसमितिले शनिवार आयोजना गरेको ‘जनताकाबिच जनप्रतिनिधि’ कार्यक्रममा उनले समृद्धि अभियानमा सबै दलको समान दायित्व हुनुपर्ने बताएका छन ।
एकले अर्कोतिर औँला ठड्याउने होइन, समृद्धिका लागि हातेमालो गर्नुपर्छ । नेता ठाकुरले सङ्घीयतासहितको गणतन्त्रात्मक संसदीय व्यवस्था संसारकै उच्चतम लोकतान्त्रिक व्यवस्था भएको उल्लेख गर्दै अहिले तत्काल केन्द्रीय सरकार फेरबदलको सम्भावना नरहेको ठाकुरले बताए ।
मधेस प्रदेशका प्रदेश सदस्य रानी शर्मा तिवारीले वर्तमान राजनीतिक परिस्थितिबीच आफ्नो दल जिम्मेवारीबोधका साथ अघि बढेको बताईन ।
