जनकपुरधाम, १७ माघ । बिहिवार देखि जनकपुरधाममा हुने जनकपुरधाम मैथिली साहित्य, कला तथा नाट्य महोत्सव २०८० को सम्पुर्ण तयारी पुरा भएको छ ।
आज मैथिली विकास कोषले पत्रकार सम्मेलनको आयोजना गर्दै महोत्सव सबै तयारी पुरा भएको जानकारी गराए । विहिवार विहान ८ बाह्रबिघ्घाबाट वृहत झाँकी सहितको शोभायात्रा त्यसपछि नेकपा एसका अध्यक्ष माधव कुमार नेपालको विशेष उपस्थितीमा महेन्द्र नारायण निधी मिथिला सांस्कृतिक केन्द्रमा समुदघाटन भई बहसका सत्रहरु र साँझ मनोरञ्जनात्मक कार्यक्रमहरु हुने कोषका अध्यक्ष जिवनाथ चौधरीले बताए ।
भाषा, कला, साहित्य, नाटक र राजनिति सहित करिव २० सत्रमा हुने बहस र विर्मशका साथै मिथिला व्यञ्जन, सांस्कृतीक कार्यक्रम, चित्रकला प्रदर्शनी सहितको कार्यक्रम समेत रहेको चौधरीले बताए ।
२०५८ सालमा स्थापित कोषले हरेक दुई वर्षको अन्तरालमा यो महोत्सव गर्दै आएको छ ।
