काठमाण्डौं, १० माघ । मधेशको प्रथम मधेशवादी नेता स्व. गजेन्द्र नारायण सिंह को २२ औं पुन्यतिथीको अवसरमा बुधवार मधेशमा विभिन्न कार्यक्रम गरि मनाईएका छ ।
लोकतान्त्रिक समाजवादी पार्टीका नेता अनिल महासेठ नेतृत्वको गजेन्द्रनारायण सिंह अध्ययन केन्द्रले मधेशवादका प्रणेता स्व.गजेन्द्रनारायण सिँहको २२ औं पुण्यतिथिका अवसरमा काठमाडौंमा अन्तरक्रिया कार्यक्रमको गरेको छ । 
लोसपाका नेता राजेन्द्र महतो सहितको उपस्थितीमा भएको कार्यक्रममामा स्व. सिंहलाई स्मरण गर्नुका साथै मेचीदेखि महाकालीसम्मका जनताले भोग्नुपरेका सबै किसिमका उत्पीडनविरुद्ध मधेशी अधिकारको लडाइ सुरुवात् गर्ने स्व. सिंहको स्मृतिमा केन्द्रको स्थापना गरिएको छ ।
मधेशी, जनजाति, मुस्लिम, दलितमाथि हुने विभेदविरुद्ध राजनीतिक चेतना जागरण तथा अनवरत आन्दोलन गर्ने दृष्टिले स्व.सिँहको भूमिका स्मरनिय रहँदैआएको छ । 
गजेन्द्रबाबुले देखाएको समतामूलक समाजक स्थापनाका लागि उत्पीडित र बहिष्करणमा परेकाहरू एक्यबद्ध हुनुपर्ने नेता महासेठले बताए ।
त्यस्तै गजेन्द्रनारायण सिंह अध्ययन केन्द्र, धनुषाले पनि जनकपुरधाममा एक कार्यक्रम गरेर स्व. सिंहको व्यक्तित्व र मधेश प्रतिको लगाव र सम्पर्णको चर्चा परिचर्चा गरेका छन् ।
