जनकपुरधाम, ५ माघ । जिल्ला प्रशासन कार्यालय सिरहा भित्रै बिहीबार मिटरब्याजपीडितहरूले साहु सूर्यकुमार यादवलाई कुटपिट गरेका छन् ।
मिटरब्याजको विषयमा छलफलका क्रममा मिटरब्याजपीडितहरुले कुटपिट गरेपछि उनी घाइते भएका थिए । ऋणी राजकुमार महतो र धनी यादबीच लेनदेनको विषयलाई लिएर भानाभान भएको थियो ।
त्यस क्रममा मिटरब्याज पीडितहरुले हातपात गरेका थिए । यादवबाट महतोले शुरूमा सात लाख रुपैयाँको लेनदेन गरेका थिए ।
एउटै लेनदेनमा तीन–तीन वटा कपाली तमसुक बनाएका यादवले आफ्नै मुद्दा मिलाउनका लागि पटक–पटक पैसा मागेर सहमति गरेको पीडितले बताएका छन ।
