कैलाली, २६ पुस । कैलालीको मोहन्याल गाउँपालिकामा मोटरसाइकल दुर्घटना हुँदा एक दम्पतीको मृत्यु भएको छ ।
मोहन्याल गाउँपालिका–७ को कुइने-चिसापानी सडकखण्ड अन्तर्गत पितमारीमा बुधबार साँझ दुर्घटना हुँदा उनीहरूको मृत्यु भएको छ ।
उनीहरू सवार भे१३प १०७४ नम्बरको मोटरसाइकल बुधवार साँझ ७ बजेतिर सडकबाट करिब दुई सय मिटर तल कर्णाली नदीमा खसेको थियो ।
उनीहरू अछामबाट बर्दियाको भुरीगाउँ जाने क्रममा दुर्घटनामा परेको हो ।
नदीबाट उनीहरूको शव मोटरबोटको सहायताले निकालिएको थियो ।
मृतकको शव परीक्षणका लागि टीकापुर अस्पतालमा राखिएको छ । ढकाल दम्पतीका दुई छोरा र एक छोरी छन् ।
