जनकपुरधाम, ८ पुस । महोत्तरीको एक मात्र सुविधासम्पन्न जानकी एकेडेमीक हस्पिटलले दोस्रो वार्षिकोत्सव विभिन्न कार्यक्रम गरी मनाउँदै छ ।
शनिबार हस्पिटलले दोस्रो वार्षिकोत्सवको अवसरमा उपचारमा संलग्न स्वास्थ्यकर्मीहरुसंग अन्तरक्रिया गरेका छन । त्यस क्षेत्रका विभिन्न पालिकाका स्वास्थ्य शाखा संयोजक, एच.ए., सिएमऐ र स्वास्थ्य स्वयमसेविकाहरुसंग अन्तरक्रिया कार्यक्रम गरेको छ ।
हस्पिटलका संचालक समेत रहेका पूर्व स्वास्थ्य राज्यमन्त्री डा. सुरेन्द्र यादवको अध्यक्षता तथा प्रादेशिक जनस्वास्थ्य प्रयोगशाला मधेश प्रदेशका प्रमुख डा. श्रवण कुमार मिश्रको प्रमुख आतिथ्यमा भएको अन्तरक्रिया भएको छ । 
अन्तरक्रियामा वक्ताहरुले भने डा. यादवले संचालन गरेको यो हस्पिटलले थुप्रै अकास्मिक एवं गम्भीर प्रकृतिका बिरामीको ज्यान बचाउने गरेको बताएका छन् ।
कार्यक्रममा सोनमा गाउँपालिकाका पूर्व अध्यक्ष राजकुमार यादव, जानकी हेल्थकेयरका ईन्चार्ज हरिश्चन्द्र यादव, जानकी ऐकेडेमीक हस्पिटलका ईन्चार्ज संजयकुमार यादव, ल्याब ईन्चार्ज विरेन्द्रकुमार झा र जलेश्वर अस्पतालका प्रमुख डा. मुरारी ठाकुर लगायत विभिन्न पालिकाका स्वास्थ्य शाखा संयोजकहरुले शुभकामना मन्तव्य राखेका थिए । 
