जनकपुरधाम, ५ पुस । कांग्रेसलाई अन्तरघातबाट मुक्त गर्दै आगामी निर्वाचनमा बहुमत प्राप्त गर्ने पार्टीको रुपमा स्थापित गर्न नेपाली कांग्रेसका सभापति शेरबहादुर देउवाले आग्रह गरेका छन् ।
बिहीवार पार्टीको मधेस प्रदेश अधिवेशनलाई जनकपुरमा सम्बोधन गर्दै उनले पार्टीमा अहिले अन्तरघात गर्ने रोग सल्किएको बताए ।
उनले अहिले कांग्रेस ठूलो राजनीतिक दल रहेको र भविष्यमा पनि बहुमत प्राप्त गर्ने दलका रुपमा स्थापित गर्न नेता÷कार्यकर्तालाई आग्रह गरे ।
उनले नेपालको राजनीतिलाई सुदृढीकरण गर्न कांग्रेसले काम गरिरहेको बताए । सभापति देउवाले आगामी दिनमा कांग्रेसको एकल सरकार बनाउन सक्नुपर्ने बताए ।
