बारा, ४ पुस । बाराकाे जितपुर सिमरा उपमहानगरपालिकामा बस र ट्रक ठोक्किँदा तीन जनाकाे मृत्यु भएकाे छ ।
काकडभिट्टाबाट काठमाडौं आउँदै गरेकाे बा ३-००१ ख २५८७ नम्बरकाे बस र हेटौँडाबाट पथलैया जाँदै गरेकाे ना ७ ख ७३०० नम्बरको ट्रक आज बिहान ३ बजे जीतपुरसिमरा उपमहानगरपालिका २२ स्थित ३ नम्बर पूल नजिक ठोक्किँएका थिए ।
ट्रक र बस एक आपसमा ठोक्किँदा ट्रक चालक तनहुँको पिपरतार बस्ने अन्दाजी बर्ष २८ को पुरन गुरुङ्ग र बस चालक हेटौडा उपमहानगरपालिका वडा न ३ बस्ने अन्दाजी बर्ष ४० को हरिशम्शेर सुयाल थापाको मृत्यु भएको ईलाका प्रहरी कार्यालय सिमाराले जनाएको छ ।
दुर्घटनामा २८ जना घाइते भएका छन् । घाइतेहहरूकाे कार्की मेडिकल हल अमलेखगंज, हेटौँडा अस्पताल र पुरानो मेडिकल कलेज चितवनमा उपचार भइरहेको छ ।
मृत्यु भएको एक जनाको पहिचान अझैँ हुन् सकेको छैन । घटना बारे ठप्प अनुसन्धान भईरहेको बारा प्रहरीले जनाएको छ ।
