काठमामाडौं, २४ कातिक । तिहार तथा छठ बिदामा पनि राष्ट्रिय मानव अधिकार आयोग खुला रहने भएको छ ।
आयोगले आज प्रेस वक्तव्य जारी गर्दै केन्द्रीय, प्रदेश तथा प्रदेश शाखा कार्यालयहरु खुला रहने जनाएको हो ।
मानव अधिकार संरक्षणको कार्यलाई ध्यानमा राख्दै तिहार तथा छठको बिदामा विहान ११ बजेदेखि दिउँसो २ बजेसम्म कार्यालय खुला राख्ने व्यवस्था मिलाइएको आयोगका सहसचिव एवं प्रवक्ता टीकाराम पोखरेलले जानकारी दिनुभएको छ ।
यो अवधिमा आयोगले मानवअधिकार उल्लंघन र ज्यादतीका घटनामा उजुरी लिने तथा आवश्यकता अनुसार गम्भीर प्रकृतिका घटनामा आकस्मिक अनुगमनसमेत गर्ने जनाएको छ ।
