जनकपुरधाम, २० कातिक । मधेस प्रदेश सरकारको सर्वदलीय बैठकले सोमबार मुख्यमन्त्री कार्यालयमा बसेको बैठकमा विभिन्न चार वटा बिषयमा छलफल भएको मधेस प्रदेशका गृह तथा सञ्चार तथा कानुन मन्त्री मोहम्मद समिमले बताएका छन् ।
बैठक पश्चात सञ्चारकर्मीहरूसँग कुराकानी गर्दै मन्त्री समिमले शुक्रबार काठमाडौं गएर प्रधानमन्त्री पुष्पकमल दाहाल प्रचण्डलाई ज्ञापन पत्र बुझाउने बताए ।
उनले, प्रदेश निजामती ऐन, प्रहरी समायोजन, गुठी र वन सम्बन्धी विषयमा प्रधानमन्त्री पुष्पकमल दाहाल प्रचण्डलाई ज्ञापन पत्र बुझाउने निर्णय भएको बताएका छन ।
उनले प्रधानमन्त्री दाहाललाई ज्ञापन पत्रमार्फत मागहरू पूरा गर्ने अल्टिमेटम दिने, र उक्त अवधिमा माग पूरा नभए मुख्यमन्त्रीसहित, प्रदेशका मन्त्रीहरू काठमाडौंमा धर्नामा बस्ने निर्णय भएको पनि बताए ।
