केपी रिपोर्टर – निभा झा
जनकपुरधाम,१३ असोज । । मधेश प्रदेशको राजधानी जनकपुरधाममा सखी बहिनपा मैथिलानी समुहले धुमधामका साथ मिथिलाञ्चलका महत्वपूर्ण पर्व जितिया पर्वको अवसरमा “जितिया उत्सव” मनाएको छ ।
जितिया उत्सवमा सांस्कृतिक कार्यक्रमको माध्यमबाट यस पर्व बारे चर्चा परिचर्चा गरिएको थियो ।
जितिया पर्वको आफ्नो छुट्टै इतिहास र महत्त्व रहेकाले जितिया पर्वलाई बचाउन केही हदसम्म भए पनि सहयोग पुर्याउने उद्देश्यले जितिया उत्सव कार्यक्रमको आयोजना गरिएको सखी बहिनपा मैथिलानी समुहकी अध्यक्ष करूणा मिश्रले बताईन । 
यो कार्यक्रम मैथिलानी समुहले हरेक साल जितिया पर्वको एक साता पहिले नै गर्ने गरेको मैथिलानी समुहकी भारती चौधरीले बताईन ।
