जनकपुरधाम, ३१ साउन । चार जिल्लाका प्रमुख जिल्ला अधिकारी (सीडीओ) को गृह मन्त्रालयले सरुवा गरेको छ ।
धनुषा, सप्तरी, चितवन र नुवाकोटका प्रमुख जिल्ला अधिकारीको सरुवा गर्ने निर्णय गृहमन्त्रालयले गरेको छ । धनुषाका सिडिओ काशीराज दहाललाई कारागार व्यवस्थापन विभागको महानिर्देशकमा सरुवा गरेको छ ।
त्यस्तै सप्तरीका सीडीओ भुपेन्द्र थापालाई चितवनमा सरुवा गरेको गृहमन्त्रालयले जनाएको छ । कारागार व्यवस्थापन विभागका महानिर्देशक चक्रपाणि पाण्डेलाई धनुषाको सीडीओ बनाइएको छ ।
नुवाकोटका सिडिओ किरण थापालाई सप्तरी र चितवनका सिडिओ सुरेन्द्र पौड्याललाई नुवाकोट जिल्लामा सिडिओको जिम्मेबारीमा सरुवा गरेको छ ।
