बारा, २७ साउन । बारामा घरायसी विवादका कारण आफ्नै बुवाको हत्या गरेको आरोपमा छोरा पक्राउ परेको छ ।
पक्राउ पर्नेमा निजगढ नगरपालिका–१६ टाँगियाबस्ती बस्ने ६० वर्षीय दिलबहादुर घलान रहेका छन । जिल्ला प्रहरी कार्यालय बाराका प्रहरी प्रवक्ता डिएसपी दधिराम न्यौपानेका अनुसार प्रारम्भिक अनुसन्धानको क्रममा घरायसी विवादको कारणले घटना भएको भन्ने बुझिएकोले छोरालाई पक्राउ गरिएको बताए ।
मृतकको टाउकोमा चोट देखिएको र विस्तृत कुरा पोष्टमार्टमपछि खुल्ने डिएसपी न्यौपानेले बताए । पक्राउ परेका घलानलाई प्रहरी नियन्त्रणमा राखी घटनाको सम्बन्धमा थप अनुसन्धान भइरहेको उनले बताए ।
