काठमाडौं,२६ साउन । प्रधानमन्त्री पुष्पकमल दाहाल प्रचण्ड शुक्रबार अपरान्ह चितवन पुगेका छन् ।
सुरक्षा स्रोतका अनुसार प्रधानमन्त्री प्रचण्ड अबको दुई दिन चितवन बस्नेछन । ‘आइतबार फर्कनेगरी उहाँ चितवन आउनुभएको हो,’ स्रोतले भने, ‘केही निर्धारित कार्यक्रमहरूमा सहभागी हुन उहाँ चितवन आइपुग्नुभएका हुन् ।
उनलाई भरतपुर महानगरपालिकाकी मेयर रेनु दाहाल लगायत माओवादी केन्द्रका नेताहरूले विमानस्थलमा स्वागत गरेका छन् । चितवन प्रधानमन्त्री प्रचण्डको गृह जिल्ला पनि हो ।
यसअघि चितवन–३ बाट निर्वाचित भएका प्रधानमन्त्री प्रचण्ड यसपटक भने गोरखाबाट निर्वाचन लडेका थिए । चितवनमा प्रधानमन्त्री प्रचण्डले एकतले घर बनाएका छन् ।
