सर्लाही, २१ साउन । मलंगवाको एक विद्यालयमा एक अपरिचित युवकको शव फेला परेका हुन ।
मलंगवा नगरपालिका वडा नं. ९ श्रीमती कृष्ण देवी माध्यमिक विद्यालयमा आईतवार बिहान अन्दाजी २२ वर्षीय युवकको शव फेला परेको सर्लाहीका प्रहरी प्रवक्ता डिएसपी दिपेन्द्र पजियार थारुले जानकारी दिनुभएको छ ।
डिएसपीका अनुसार स्थानीयले शवदेखेपछि बिहान प्रहरीलाई खबर गरेका थिए । मृतकको शवमा कुनै प्रकारको घाउचोट नदेखिएको छैन ।
शव पोस्टमार्टमका लागि प्रादेशिक अस्पताल मलंगवा लगिएको र घटना विषयमा थप अनुसन्धान भइरहेको डिएसपी पजियारले जानकारी दिनुभएको छ ।
