जनकपुरधाम, १६ साउन । महोत्तरीको मटिहानी नगरपालिकामा उपराष्ट्रपति रामसहाय प्रसाद यादवको नागरिक अभिनन्दन कार्यक्रममा उपराष्ट्रपतिदेखि मुख्यमन्त्री, प्रदेशप्रमुख तथा नगरप्रमुखसम्मकाले चिन्ता व्यक्त गरेका छन् ।
कार्यक्रममा उपराष्ट्रपति यादवले वर्षा नहुँदा यस क्षेत्रका किसानका साथै आमजनताले धेरै समस्याको सामना गर्नु परि रहेकाले संवेदनशील भई समस्याको निराकरण गर्न तर्फ लाग्न प्रदेश सरकारलाई अनुरोध गरेका छन ।
साथै कार्यक्रममा सहभागी मधेश प्रदेशका प्रमुख हरिशंकर मिश्रले भने, अहिले जनप्रतिनिधिहरुको प्रमुख दायित्व पानीको समस्या समाधान गर्नुपर्ने रहेको छ ।
मुख्यमन्त्री सरोजकुमार यादवले खडेरीको समस्या मधेसमा विकराल रुप लिई सकेकाले मधेस सरकारले त्यस्को विकल्पमा के उपाय हुन सक्छ त्यो कार्य गर्न तत्पर रहेको प्रतिवद्धता व्यक्त गरे ।
मटिहानी नगरपालिकाका नगरप्रमुख हरिप्रसाद मण्डलले मटिहानीको उबजाउ भूमिमा समेत खडेरीका कारण धान रोपाईँ हुन नसकेकोमा चिन्ता व्यक्त गरे ।
नगरलाई सुख्खा क्षेत्र घोषणा गरी विशेष राहतको व्यवस्था गर्न मण्डलले सरकारसंग माग गरेका छन ।
