जनकपुरधाम, १३ साउन । साउन महिनामा पनि वर्षा नभपछि लागेको खडेरी र खानेपानीको समस्याबारे मधेश प्रदेशले विज्ञहरुसँग छलफल गरेको हुन ।
प्रदेश सरकारका प्रवक्ता एवं अर्थमन्त्री संजय कुमार यादव र उर्जा, सिँचाई तथा खानेपानी मन्त्री सिहांसन सा कलवारले यस प्रदेशमा वर्षा नहुँदा उत्पन्न भएको कृषिका लागि सिचाईं र खानेपानीको समस्या बारे विज्ञ एवं सरोकारवालाहरुसँग छलफल गरेका छन् ।
मधेश प्रदेशका कतिपय जिल्लाहरुमा खानेपानीको समेत समस्याको अवस्था सिर्जना भएको र कृषि योग्य भूमि समेत रोपाई हुुन् नसकेको र खडेरी लाग्ने समस्याको सामाधानको विषयमा मन्त्रीद्वयले विज्ञहरुसँग सुझाव समेत मागेका छन् ।
मधेश प्रदेशमा पानीको अवस्था कस्तो रहेको त्यसबारे अध्ययन गर्न छिट्टै नै विज्ञहरुको समिति गठन गरी भविष्यमा यस्ता किसिमको समस्या आउन् नदिन र आइपरेपनि पूर्व तयारी गरी अघि बढ्ने योजन समेत अघि सारेको बताइएको छ ।
पानीको संकटलाई तत्कालै समाधान गर्न विज्ञहरुले दिएको सुझावलाई कार्यान्वयनमा लैजाने निकायका पदाधिकारीहरुलाई निर्देशन दिएको छ
